Azərbaycana İrandan bu məhsulların gətirilməsinə qadağa qoyuldu

Azərbaycan ərazisinin başqa ölkələrdən keçə biləcək yoluxucu heyvan xəstəliklərindən qorunması məqsədi ilə Azərbaucan Qida Təhlükəsizliyi Agentliyi (AQTA) əhaliyə xəbərdarlıq edib.

 

Medpress.az-a agentlikdən verilən məlumata görə, Ümumdünya Heyvan Sağlamlığı Təşkilatı İranın Tehran vilayətində ev quşları arasında yüksək patogenli quş qripi xəstəliyinin yayıldığını müəyyən edib.

 

Bununla əlaqədar, İranın Tehran vilayətindən diri quş və quşçuluq məhsullarının idxalına müvəqqəti məhdudiyyət qoyulması qərara alınıb.

 

Eyni zamanda, nəzarət tədbirlərinin gücləndirilməsi üçün agentlik tərəfindən İranın Tehran vilayətindən gələn və ya həmin ərazidən tranzit keçən nəqliyyat vasitələrinin gömrük-keçid məntəqələrində dezinfeksiya edilməsi ilə bağlı Azərbaycanın Dövlət Gömrük Komitəsinə aidiyyatı üzrə müraciət olunub.

 

(Visited 33 times, 1 visits today)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir