Sağlamlıq imkanları məhdud uşaqlara ayda 200 manat ödəniləcək

Sağlamlıq imkanları məhdud 18 yaşınadək uşaqlar indiyə qədər 82 manat müavinət alırdılar, bu, 83 faiz artırılaraq 150 manata çatdırılır. Əlavə olaraq, onlara qulluq edən şəxslərə də 50 manat Prezident təqaüdü təyin olunur.

 

Medpress.az bildirir ki, bu haqda fevralın 25-də əmək və əhalinin sosial müdafiəsi naziri Sahil Babayev prezident İlham Əliyevin imzaladığı “Əhalinin sosial müdafiəsinin gücləndirilməsi sahəsində əlavə tədbirlər haqqında” sərəncamla bağlı keçirdiyi mətbuat konfransında məlumat verib.

 

Onun sözlərinə görə, dövlətin sağlamlıq imkanı məhdud bir uşaq üçün ayırdığı aylıq vəsait 200 manata çatır: “İndiyə qədər bu vəsait 82 manat idi. Əlilliyi olan 256 min vətəndaşımızı əhatə edirik. Sırf əlilliyi olan şəxslərlə bağlı maliyyə paketimiz əlavə olaraq, 250 milyon sosial müavinətlərdə, 26 milyon manat təqaüdlərdə artır. Pensiya ilə bağlı əlavə də nəzərə alınsa, 300 milyon manat paket məhz əlilliyi olan şəxslərə əlavə müavinət və təqaüdlərin ödənilməsi üçün sərf olunacaq. Təqaüdlərin içərisində müharibə əlilləri və onlara bərabər tutulan şəxslərlə bağlı olaraq, birinci qrup üçün 250 manat, ikinci qrup üçün 230 manat, üçüncü qrup üçün 210 manat təqaüd təyin olunur”.

 

Sahil Babayev qeyd edib ki, ümumi səbəbdən əlilliyi olanlar 73 manat Prezident təqaüdü alıblar: “Pensiya alan zaman isə onların pensiyalarına 33 manatlıq əlavə edilirdi. Biz bu iki müavinətin yerinə vahid Prezident təqaüdünü 100 manat məbləğində təyin edirik. Həm sosial müavinət alanların təqaüdləri 73 manatdan 100 manata qalxacaq, həm də pensiya alanların 33 manatlıq əlavəsi də 100 manata qalxacaq”.

 

(Visited 150 times, 1 visits today)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir