“Bu ilin son 3 ayı ərzində Şəki Regional Perinental Mərkəzinin Yenidoğulmuşlar Şöbəsinə 488 körpə daxil olub”. Medpress.az bildirir ki, bunu “Report”a Mərkəzin direktoru Ruziyyə Hüseynova deyib.
Onun sözlərinə görə, körpələrdən 9-u əkiz olub: “Mərkəzin Yenidoğulmuşlar Şöbəsində 55 körpə reanimasiyada saxlanılıb. Başqa rayonlardan (Balakən, Mingəçevir, Zaqatala, Qax, Oğuz, Qəbələ) isə mərkəzə 37 anasız yenidoğulmuş gətirilib”.
R.Hüseynova qeyd edib ki, son 3 ay ərzində Mərkəzin doğum şöbəsində ümumilikdə 522 hamiləlik qeydə alınıb: “Onlardan 472 nəfəri təbii doğuş, 145 nəfəri isə qeysəriyyə üsulu ilə cərrahi doğuş keçirib”.
Direktor son illər Şəkidə ana ölümü faktı qeydə alınmadığını bildirib.
