Siqaret çəkmək xərçəngin bir neçə növünün inkişafına, ürək və damar xəstəliyinə gətirib çıxara bilər. Bundan əlavə, bu vərdiş həm də cibinizə böyük ziyan vurur. Əgər bunlar siqaret tərgitməyinizə kifayət deyilsə, alimlərin bu yaxınlarda söylədiyi yeni səbəblər var.
Medpress.az-ın xarici mediaya istinadən verdiyi xəbərə görə, Amerikanın kardiologiya assosiasiyasının iclasında alimlər iki maraqlı araşdırmanın nəticəsini təqdim ediblər. Birinci araşdırma göstərib ki, siqaret çəkmək koqnitiv funksiyalara əvvəllər ehtimal olunandan daha böyük mənfi təsir göstərir.
İkinci araşdırma isə göstərib ki, şəkərli diabet olan xəstələrə hətta əgər onlar buna görə sağalacaqlarsa belə, siqaret çəkməyi tərgitməlidirlər.
Johns Hopkins Universitydən olan alimlərin apardığı araşdırma siqaret çəkməklə koqnitiv funksiyasının azalması arasında əlaqəni, yəni yaddaş və təfəkkür prosesinin pozulmasını sübut edib.
Amerikalı alimlər bu dəfəki araşdırma zamanı müəyyən ediblər ki, tütünün koqnitiv qabiliyyətinə zərərli təsiri siqaret çəkənlərdə əvvəlki araşdırmalarda güman ediləndən iki dəfə çoxdur.
İkinci araşdırmaya gəldikdə, onu Harvard T. H. Chan School of Public Healthdan olan alimlər aparıb və nəticə göstərib ki, hətta əgər insan siqaret çəkməkdən imtinadan sonra çəki toplayırsa, xeyri artıq çəki ucbatından dəyən zərərdən daha çox olacaq.
