Bədənin modifikasiyası və plastik əməliyyat üzrə mütəxəssislər öz müştərilərindən çox qəribə xahişlər eşidiblər, ancaq bu xahiş onların çoxunu təəccübləndirib: kişi Avstraliyadan İsveçə gəlib ki, bədənin modifikasiyası üzrə mütəxəssis onun qulaq boşluğunun daxili hissəsini kəsib çıxartsın.
Medpress.az-ın xarici mediaya istinadən verdiyi xəbərə görə, Stokholmdakı Calm Body Modification studiyasının təmsilçiləri bu qeyri-adi əməliyyatın nəticəsini əks etdirən şəkili sosial şəbəkəyə yerləşdiriblər. Adı açıqlanmayan xəstənin qulağında əməliyyatdan sonra böyük deşik qalıb.
Onun qulaqları şəkildə kifayət qədər qeyri-adi görünür. Studiyanın səhifəsinin abunəçiləri fotoya tamamilə birmənalı reaksiya verməyiblər. Əksəriyyətin reaksiyası mənfi, yaxud minimum istehzalı olub. Lakin bir neçə nəfər qulağın maraqlı göründüyünü yazıb.
