Azərbaycanda daha bir unikal əməliyyat

51 yaşlı kişi son 1-2 həftə ərzində meydana çıxan davranış pozuntuları və baş ağrıları şikayəti ilə Respublika Müalicəvi Diaqnostika Mərkəzinə (RMDM) müraciət edib. Müayinələr zamanı xəstənin huşunun tədricən pozulması aşkar edilib. Çəkilən baş beyin MRT-sində xəstənin beynində hər iki monro dəliyini tıxayan kista və hidrosefaliya aşkar edilib və o, huşun kəskin pozulması səbəbilə təcili əməliyyata alınıb.

 

Medpress.az AZƏRTAC-a istinadən bildirir ki, mərkəzin neyrocərrahı Azər Əkbərovun apardığı əməliyyat zamanı üçüncü mədəciyin kolloid kistası endoskopik üsulla xaric edilib. Cərrahi müdaxilədən dərhal sonra xəstənin huşu bərpa olub və o, 3 gün sonra nevrolojik defisit olmadan evə yazılıb.

 

Qeyd edək ki, beyinin obstruktiv hidrosefaliyası həyat üçün çox təhlükəli problemdir. Xəstəliyin yaranma səbəbi beyin onurğa mayesinin dövr etdiyi yolların tutulmasıdır. Yetişkin insanın bədənində günlük 500-750 ml beyin onurğa mayesi əmələ gəlir. Tıxanma olduqda isə maye mədəciklərdə yığılır ki, bu da zamanında müdaxilə olunmadıqda xəstənin ölümü ilə nəticələnə bilər.

(Visited 166 times, 1 visits today)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir