Ağcabədi rayonu, Avşar kəndində Aslan Məmmədovun idarə etdiyi “Wolkswagen” markalı təcili tibbi yardım maşını ilə “T-28” markalı traktor toqquşub.
Medpress.az report-a istinadən bildirir ki, nəticədə traktor yoldan çıxaraq aşıb, sürücüsü isə müxtəlif dərəcəli bədən xəsarətləri alaraq Ağcabədi rayon Mərkəzi Xəstəxanasına yerləşdirilib. Onun şəxsiyyəti dəqiqləşdirilir.
Məlumata görə, təcili tibbi yardım maşını Ağcabədi rayon Mərkəzi Xəstəxanasına Bakı şəhərindən həkim birqadası gətirirdi.
