Ramazanın yaxınlaşması ilə ən çox maraq doğuran məsələlərdən biri də obaşdan və iftarda necə qidalanmaqdır. Mütəxəssislər obaşdan və iftarda çay içməyə dair xəbərdarlıqlar edib.
Medpress.az xarici mətbuata istinadən “obaşdan və iftarda çay istifadəsinin necə olmalıdır” sualına cavabı təqdim edir. İftarda yeməyə birdən yüklənməmək, obaşdan isə qətiyyən karbonatlı yeməklər istifadə etməmək lazım olduğunu bildiilir. İftarda çox çay içmək olar, amma obaşdan çox çay içməyin, çünki çay sidik dərmanıdır, su itirir. Obaşdan bir və ya iki yumurta yeməyiniz məsləhətdir.
Mütəxəssislər ürək xəstəliyindən əziyyət çəkənlərə də bəzi məsləhətlər veriblər. Əgər kimsə ürək böhranı keçiribsə, stent qoyulubsa, by-pass əməliyyatı olmuşsa, bu xəstələr oruc tutmasınlar. Çünki 16 saatlıq susuzluq müddətində qan çox qatılaşır. Qan qatılaşdıqca axıcılığı azalır. Dolayısı ilə mövcud bir by-pass, stent və ya 40-50 faiz problem verməyən damar laxtalanaraq tıxana və ürək böhranı keçirə bilərsiniz.
Diabet və böyrək xəstələrinin, hamilə və uşaq əmizdirən qadınların da oruc tutması məsləhət görülmür. Bir başqa problem siqaret çəkənlər, xüsusən iştahayla 4-5 siqareti dalbadal çəkənlərlə bağlıdır. Obaşdan gündəlik ehtiyatlarını almağa çalışırlar. Bunlardan ani ölümlər hər zaman baş verə bilər.
