Alimlər pendirin yeni xüsusiyyətini aşkara çıxarıblar.
Medpress.az xarici mediaya istinadən xəbər verir ki, ABŞ-ın Miçiqan Universitetinin professorları onun aludəçilik yaratdığını açıqlayıblar.
500 nəfərin iştirakı ilə keçirilən araşdırma göstərib ki, pendir də narkotik kimi asılılıq yaradır. Alimlər bunu pendirin tərkibindəki “kazein” adlı maddə ilə əlaqələndiriblər. Bir həftə müddətində hər gün az da olsa pendir yesəniz, onun aludəçisinə çevrilə bilərsiniz.
Araşdırmaçılar bildirirlər ki, dünyanın ən çox aludəçilik yaradan qidalarından biri hesab edilən pizza bu ünvanı tərkibindəki pendir sayəsində əldə etmiş ola bilər.
Bir insanın ildə təxminən 35 kiloqrama yaxın pendir yediyi bildirilir.
