Bu regionlarda bronxial astma daha çox yayılır…

“Bronxial astma – ağ ciyər tənəffüs yollarının iltihabı-allergik xəstəliyi Azərbaycanda geniş yayılıb. Azərbaycan əhalisinin 5-8 faizində bronxial astma xəstəliyi müşahidə olunur”, -APA-nın xəbərinə görə, bunu Səhiyyə Nazirliyinin baş allerqoloqu Cəbrayıl Məmmədov deyib.

Baş allerqoloq bildirib ki, rütubət olan regionlarda bronxial astma daha çox yayılır: “Çünki rütubət olan evlərdə xəstəliyi törədən ev gənələrinin çoxalması genişlənir”.

Həkimin sözlərinə görə, mart ayından may ayının sonuna kimi bəzi insanlarda allergik xəstəliklər daha çox əmələ gəlir: “Bu, yazda ağacların çiçəkləməsi ilə bağlıdır. Əksər insanlar bunu qripə bənzədirlər. Buna görə də düzgün müalicə vacibdir”.

(Visited 32 times, 1 visits today)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir