Daha əvvəl 11 sentyabr hücumları, böyük sunami fəlakəti, Brexit və İŞİD-lə bağlı proqnozlar verən məşhur görücü Vanqanın 2019-cu il üçün proqnozları açıqlanıb. Medpress.az xarici mediaya istinadən maraqlı proqnozları təqdim edir.
Gözləri görməyən bolqarıstanlı öncəgörənin proqnozuna görə, yeni ildə sunami gözlənilir.
2004-ci ildə 230 mindən çox insanı öldürən sunamini bilən Balkanların Nostradamusu yeni sunami dalğalarının Asiyanı vuracağını deyir.
Vanqa Rusiyaya bir meteor düşəcəyini təxmin edir.
Rusiya lideri Vladimir Putinə sui-qəsd ediləcək. Putinin yanında çalışan təhlükəsizlik qrupunun edəcəyi sui-qəsd uğursuz olacaq.
Kor kahinin digər qorxulu proqnozu Avropanın iqtisadi iflasıdır.
Vanqa, həmçinin ABŞ prezidenti Donald Trampın sirli xəstəliyə tutulacağını deyib. Xəstəlik nəticəsində Tramp beyin travması keçirəcək və artıq qulaqları eşitməyəcək.
Vanqa 1996-ci ildə dünyasını dəyişsə də, gələcəklə bağlı proqnozları həmişə diqqət mərkəzindədir.
Vanqanın indiyə qədər bildiklərinin siyahısı çox uzundur:
İkinci dünya müharibəsinin nəticəsi.
Sovet İttifaqının Praqanı işğalı.
Kurskta Rusiya sualtı gəmisinin batması.
Nyu-Yorkdakı Qoşa Qüllələrə 2001-ci ildə edilən terror hücumları.
2004-cü ilin sonlarındakı böyük zəlzələ və ardından gələn sunami.
Barak Obamanın ABŞ prezidenti seçilməsi.
“Ərəb Baharı”nın başlaması.
Terror təşkilatı İŞİD-in ortaya çıxması.
Və s…
