Üz üçün şokolad maskası sübut edir ki, bu dadlı məhsul bir daha faydalı ola bilər. Şokolad – bu yalnız ləzzətli şirniyyat deyil, həm də dərini gənc, zərif və möhkəm qorumaq üçün əla vasitədir.
Medpress.az xarici mediaya istinadla xəbər verir ki, bu məhsulun tətbiqi sizin orqanizminizin vəziyyətinə müsbət təsir göstərəcək. Nəzərə almaq lazımdır ki, şokolad təkcə güclü antioksidant deyil, həm də güclü allergendir. Ona görə allergik reaksiyalara meyllilik zamanı onu xüsusi ehtiyatlılıqla üz üçün maska kimi tətbiq etmək məsləhət görülür.
Əgər dəriniz parlaqdırsa, nəzərə almaq lazımdır ki, şokolad maskası onu qeyri-bərabər boyaya bilər.
Maska üçün tərkibi 50 faiz kakao-paxla olan qara və acı şokoladdan istifadə olunur. Şəkərsiz və digər əlavələrsiz adi təmiz kakao tozu da maska üçün faydalı ola bilər. Bu dadlı desertin qadınlar arasında populyarlığına gəldikdə, hətta kaloriliyinə baxmayaraq, olduqca yüksəkdir.
Şokoladın həm gözəl dadı var, həm də möcüzəvi keyfiyyətə malikdir ki, bu da yorğunluq və stressi götürməyə qadirdir. Çünki şokoladın tərkibində hamıya məlum olan “sevinc hormonları” var.
Üz üçün şokolad maskası: reseptlər müxtəlifliyi ilə zəngindir. İstənilən dəri üçün, məsələn, belə resept keçərlidir. Əridilmiş isti şokoladı əlavə olmadan 1 xörək qaşığı təbii balla qarışdırmaq lazımdır. Şokolad və bal bir-birinə tam qarışandan sonra üzə sürtmək lazımdır. Əgər sizdə bal əldə etməyə imkan yoxdursa, onu təmiz portağal şirəsi və ya onun doğranmış yumşaq hissələri ilə əvəz edə bilərsiniz.
Normal tipli dəri üçün şokoladlı maskaların tərkibində istənilən mövsümi meyvələr – şaftalı, alma, banan, moruq ola bilər. Nisbəti həmişə təxminən eynidir – 50 qram əridilmiş şokolad və 2-3 xörək qaşığı meyvə puplası. Belə maskalar dəri örtüyünü əla canlandırır və təmizləyir. Çiyələk, kivi, balqabağı da əlavə etməyi sınaqdan keçirin. Maskanı 15-20 dəqiqə saxladıqdan sonra isti su ilə diqqətlə yuyun.
Əgər sizin dəriniz yağlıdırsa, üz üçün şokolad maskasına limon şirəsi və kosmetik gil əlavə etmək lazımdır. Gili qarışdırmazdan əvvəl azacıq su əlavə etmək məsləhətdir.
Gili su qarışdırandan sonra bütün komponentləri birləşdirmək lazımdır. Belə maska dərini çox əla qurudur və su-lipid yaratmağa kömək edir.
