Zaqatala rayon Polis Şöbəsinə şəhər ərazisindəki apteklərin birində qanunsuz psixotrop tərkibli dərmanların satılması barədə məlumat daxil olub.
Medpress.az-a Daxili İşlər Nazirliyinin mətbuat xidmətindən verilən məlumata görə, keçirilən təxirəsalınmaz əməliyyat-axtarış tədbirləri nəticəsində güclü təsiredici xüsusiyyətə malik “Diazepam” dərman preparatını qanunsuz olaraq satdığı üçün həmin aptekdə işləyən şəhər sakini X.İsmayılovanı polis əməkdaşları saxlayıb.
Əməliyyat-axtarış tədbirləri zamanı aptekdən 437 ədəd və 4 ampula psixotrop dərman preparatları aşkar edilərək götürülüb.
(Visited 239 times, 2 visits today)
