Mobil telefonun zərəri barədə ən yeni AÇIQLAMA

ABŞ-ın “Toksikologiya üzrə milli proqram” təşkilatının üzvləri mobil telefonlardan şüalanmanın insan sağlamlığına təsirgöstərmə səviyyəsini yoxlamaq məqsədilə iki tədqiqat aparıblar. Və bu tədqiqatların nəticəsində mobil qurğulardan istifadə zamanı insan həyatı üçün real təhlükənin olmaması qənaətinə gəliblər.

Bununla belə, tədqiqatçılar tərəfindən bir sıra təhlükəsizlik tədbirlərinə əməl etmək tövsiyə olunur.

“4PDA” resursu yazır ki, təşkilatın hesabatında deyilir: “Hazırda ionlaşmayan şüalanmanın xərçəng xəstəliyinin inkişaf riskini artırması ilə bağlı əsaslı sübutlar mövcud deyil. Getdikcə populyarlıq qazanan “hands-free” texnologiyaları, o cümlədən simli və simsiz qarniturlar başa və beyinə radiotezlik təsirini azalda bilərlər”.

Məlumata görə, tədqiqat zamanı alimlər üzərində təcrübə apardıqları siçovulları mobil telefon və mikrodalğalı sobaların buraxdıqları şüalar kimi radiotezlik şüalanmasının təsirinə məruz qoyublar. Uzunmüddətli şüalanmadan sonra heyvanlarda oxşar şüalanmaya məruz qalmayan digər siçovullarda olduğu kimi, eyni sağlamlıq göstəriciləri aşkarlanıb. Onların bəzisi hətta daha çox ömür sürüb.

Bununla belə, tədqiqatçılar tərəfindən mobil telefonlardan həddən artıq istifadə etməmək və yuxu zamanı uzaqda saxlamaq tövsiyə edilir.

 

(Visited 95 times, 1 visits today)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir