Gürcüstanın azərbaycanlıların yığcam yaşadığı Marneuli rayonunda “donuz qripi” adlandırılan A (H1N1) virusuna iki yoluxma qeydə alınıb.
Medpress.az-ın Gürcüstan mediasına istinadən verdiyi xəbərə görə, 59 yaşlı kişi qripə yoluxma əlamətləri ilə rayon xəstəxanalarından birinə yerləşdirilib.
Həkimlərin bildirdiyinə görə, şəxsin vəziyyəti ağır olan həmin şəxs reanimasiya şöbəsində müalicə olunur.
Kişinin A (H1N1) virusuna yoluxması laboratoriyada təsdiq olunub.
Marneulidə 39 yaşlı qadının da “donuz qripi” diaqnozu ilə xəstəxanaya yerləşdirildiyi və onun da vəziyyətinin ağır olduğu bildirilir.
Gürcüstanda indiyə qədər “donuz qripi”ndən 17 nəfər ölüb.
(Visited 44 times, 1 visits today)
