Bu qadınlar mərcini gündəlik menyularına əlavə etməlidirlər

Mərcimək (mərci) ən çox sevilən qida məhsullarındandır. Mərci şorbası ilin bütün fəsillərində arzuolunandır. Lakin qış aylarında ondan hazırlanan şorba və yeməklər qripə, soyuqlamaya qarşı faydalıdır. Medpres.az türkiyəli həkim Ayça Kayaya istinadla mərcinın faydaları barədə məlumat verir.

 

Ayça Kayanın sözlərinə görə, yaşıl və qırmızı mərci daha faydalı hesab olunur: “Mərcinin bu iki növü zülalla zəngindir. Bu qidalar maddələr mübadiləsinin sürətini artırır. Bu da arıqlamağa kömək edir”.

 Həkim mərcinin orqanizm üçün yararlı karbohidratlar ehtiva etdiyini söyləyir:

 
“Karbohidratla zəngin olan mərci orqanizmi keyfiyyətli şəkərlə təmin edir. Kalorisi az olsa da, orqanizmin ehtiyacı olan bir çox vitamin və mineralı ödəyir. Pəhriz saxlayan insanlarda müşahidə edilən halsızlıq, yorğunluq kimi əlamətləri aradan qaldırır. Bunun üçün salatlara 2 xörək qaşığı suda bişirilmiş  yaşıl mərci əlavə etmək kifayətdir”.

 
Kaya liflə zəngin olan bu qidanın həzm sisteminə yaxşı təsir etdiyini vurğulayır: “Mərci ən keyfiyyətli lif mənbələrindən biridir. Lifli qidalar daha tez doymağa səbəb olduğu üçün arıqladır, həm də həzm sisteminin işini asanlaşdırır. Mərci bağırsaqlar üçün çox faydalıdır”.

 
Həkim mərcinin, xüsusilə də, qadınlar üçün çox faydalı olduğunu qeyd edir:

 
“Qadınlar mərcini gündəlik qida menyularına əlavə etməlidirlər. Ələxüsus klimaks dövrünü yaşayanlar mərci yesinlər. Çünki o, klimaksın əlamətlərini aradan qaldırır. Həmçinin döş və yumurtalıq xərçəngindən qoruyur”.  

 
Mərcinin təsirini artırmaq üçün həkim onu müəyyən qidalarla birlikdə yeməyi məsləhət görür: “Mərci dəmirlə zəngindir. Onu yumurta və ya ətlə birlikdə yemək məsləhətdir. Mərcili yeməkləri limonla yemək lazımdır” (Atv).

 

 

(Visited 30 times, 1 visits today)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir