Elə insanlar var ki, onlar illərlə xəstələnmir və hər kəs onlara həsəd aparır. Bu qrup adamları birləşdirən bir neçə vərdiş var. Medpress.az belə vərdişlərdən yeddisini təqdim edir:
1. Çox maye qəbul edirlər
Orqanizm və hüceyrələr sudan ibarətdir və su ilə qidalanır. Əgər bir insan orqanizmdə itirdiyi su ilə qəbul etdiyi suyun tarazlığını qoruya bilsə, immuniteti daim güclü olar. Susuzlaşma həzm sistemini çökdürür, yorğunluq verir.
Su qaraciyər və böyrəklər üçün də vacibdir. Su az içdikdə orqanizm zəhərlənir.
Bu orqanizmdə virus və bakteriyalar asanlıqla çoxalır.
2. Şəkərdən, qənddən imtina edirlər
Elmi araşdırmalar göstərib ki, çox miqdar şirniyyat və şəkər immuniteti 17 dəfə azaldır. İmmunitetə,hüceyrələrə ümumiyyətlə ağ şəkər lazım deyil. Qədimdə çayı quru meyvə, çərəzlə içərdilər.
Konfet, şəkəri, şokoladı minimuma endirin. Eləcə də qazlı içkidən imtina edin.
3. Çox meyvə-tərəvəz yeyirlər
Bu qidalar çox miqdar antioksidantlar, lif və vitamin tərkiblidir. İnsan gündə yarım kq tərəvəz, bir o qədər mövsümi meyvə yeməlidir.
4. Natural bioəlavələr və preparatları qəbul edirlər
İndi qidalarla vitamin-mineral ehtiyatını artırmaq mümkün deyil. Vaxtında orqnanizmdə nəyin çatışmadığını bilib, ona qarşı tədbir görür. Məsələn, D vitamin, dəmir, B qrup vitamin, sink və s. qəbul edir.
Eləcə də sağlamlıq üçün faydalı super qidalar – kinoa, matte çayı, sarıkök, ktan toxumu, dəniz yosunu və s. qəbul edir. Bununla da orqanizmin müdafiə gücü ikiqat artır.
5. C vitaminini unutmurlar
Bu vitamin immunitet üçün vacibdir. Əgər bir insanda C vitamini çatmırsa onu istənilən virus və bakteriya yoluxur. Təkcə limon və portağal qəbul etməklə iş bitmir. İldə 1-2 dəfə orqanizmə C vitamini preparatı ilə kurs müalicə lazımdır. ELəcə də C vitamini itburnuda, kivi, bolqar bibəri, kələm və suyunda çoxdur.
Hər səhər ilıq suya limon sıxıb için.
6. Bütün yeməklərini göyərti ilə yeyirlər
Əgər siz hər yeməyinizə göyərti doğramağa adət etsəniz, orqanizmdə A, E və C vitamini, eləcə də orqanik turşular bol olacaq. Bir dəstə göyərti möcüzə yarada bilər.
7. Süd məhsullarını sevirlər
Bağırsaq immunitetin evi, ikinci beyindir. Sağlam mikroflora isə süd məhsulları ilə formalaşır. Burda təmiz süd yox, daha çox kefir, kəsmik, qatıq, ayran, turş süd məhsulları çox qəbul edilməlidir. (Gəncailə)
