2018-ci ildə il aparılan növbədənkənar yoxlamalar nəticəsində 57 adda 173 qutu dərman vasitəsi dövriyyədən çıxarılıb.
Medpress.az trend-ə istinadən xəbər verir ki, yoxlamalar dərmanların keyfiyyətinə nəzarət məqsədilə aparılıb. Ümumilikdə əczaçılıq şirkətlərinin ölkəmizə idxal etdiyi dərman preparatlarından 30 335 nümunə götürülüb və laborator müayinədən keçirilib.
Qeyd edək ki, ötən il Səhiyyə Nazirliyi Analitik Ekspertiza Mərkəzi “Wörwag Pharma GmbH and Ko.KG” şirkətinin “Thiogamma®Turbo” infuziya üçün məhlul dərman vasitəsinin 18F103 seriya ilə buraxılan flakonları geri çağırıb. Buna səbəb flakonlarda sızma ilə əlaqədar sterilliyin və apirogenliyin pozulması riski olub.
Ötən il eyni zamanda, mərkəzin farmakonəzarət sektoru dərman vasitələrinin təhlükəsizliyi üzrə alına siqnalların risk-fayda nisbətlərinin araşdırılması nəticəsində Çinin “Zhejiang Huahai Pharmaceuticals” şirkətinin istehsalı olan valsartan təsiredici maddə substansiyasında kanserogen xüsusiyyətlərə malik olan “N-nitrosodimethylamine” (NDMA) maddəsi tapıldığından həmin substansiyadan istifadə edilərək istehsal olunmuş valsartan tərkibli dərman vasitələri geri çağrılıb.
