Martın 12-si Azərbaycanda Kistoz Fibroz Günüdür.
Medpress.az bildirir ki, bu günü ilk dəfə 2018-ci il martın 12-də “Nadir Genetik Xəstəliklərə Müasir Yanaşma” mövzusunda keçirilən konfransda Kistoz Fibroz Xəstələrinə Yardım ictimai birliyinin rəhbəri Səadət Bayramova elan edib.
Kistoz fibroz nadir autosom ressesiv verən genetik xəstəlikdir. Daxili sekresiya ifraz edən orqanlar: ağciyər tənəffüs sistemi, həzm sistemi orqanları, tər vəziləri, cinsiyyət üzvlərini zədələyən, zamanla fəaliyyətdən geri qoyan, erkən diaqnoz qoyulmayıb təçili nəzarətə alınmazsa ölümə aparan ağır xəstəlikdir .
Azərbaycanda tanınmır, diaqnostikası ilə geniş məşğul olunmur, bu səbəblərdən xəstələrin sayı məlum deyil .
Səadət Bayramovanın sözlərinə görə, ölkəmizdə hər il təxminən 160 -170 min uşaq doğulur. Ən aşağı sayla müqayisə edilərsə, yəni hər il 10 min nəfərdən birində rast gəlinərsə, ildə 16-17 uşağın kristoz fibrozlu xəstəliyə yoluxması deməkdir. Onun fikrincə, bu göstəricinin daha çox olması da istisna deyil.
Diaqnostikası:
– Neonatal skrininq ( daban qanı testi)
– Tər testi (tərdə xlor ionlarının miqdarı hesablanır, yüksək göstərici Kistoz fibroza şübhədir, ən az iki dəfə təkrar olunmalıdır)
– Genetik test (ən doğru məlumat dəqiq diaqnoz)
Səadət Bayramovanın fikrincə, kistoz fibrozun diaqnozu bu kriteriyalara əsasən dəqiqləşdirilərək xəstə təcili nəzarətə alınmalı və uyğun müalicə tətbiq edilməlidir.
