Azərbaycan prezidenti İlham Əliyev “İşsizlikdən sığorta fondunun 2019-cu il büdcəsi haqqında” qanununu təsdiqləyib.
Medpress.az xəbər verir ki, İşsizlikdən sığorta fondunun 2019-cu il büdcəsinin gəlirləri və xərcləri 83 451,4 min manat məbləğində təsdiq edilib.
İşsizlikdən sığorta fondunun gələn il üzrə gəlirlərinin 83 421,4 min manatı işsizlikdən sığorta haqları, qalan hissəsi sair gəlirlər hesabına formalaşacaq.
İşsizlikdən sığorta üzrə sığorta haqlarının 13 060,7 min manatı büdcədən maliyyələşən təşkilatlar, 13 060,7 min manatı büdcədən maliyyələşən təşkilatlarda işləyənlər, 57 300 min manatı qeyri-büdcə sektoru üzrə nəzərdə tutulub.
İşsizlikdən sığorta fondunun 2019-cu il büdcəsinin 11 milyon manatı işsizliyə görə sığorta ödənişlərinə, 1,8 milyon manatı peşə hazırlığı və əlavə təhsilin təşkilinə, 1,3 milyon manatı peşə yönümünə dair məsləhət xidmətlərinin göstərilməsinə, 150 min manatı əmək yarmarkalarının, əmək birjalarının təşkilinə, 1,9 milyon manatı haqqı ödənilən ictimai işlərin təşkilinə, 42 041,4 min manatı özünəməşğuılluq tədbirlərinin təşkilinə, 5 milyon manatı Sığortaolunanların əməkhaqqının müəyyən hissəsinin müəyyən müddətə (3 ay, 6 ay, 9 ay, 1 il) sığortaedənlərlə birlikdə maliyyələşdirilməsinə, 1 milyon manatı peşə standarlarının hazırlanmasına, 19,260 milyon manatı müvafiq icra hakimiyyəti orqanının müəyyən etdiyi orqanın (qurumun) aparatının və onun yerli orqanlarının, habelə müvafiq icra hakimiyyəti orqanının müəyyən etdiyi orqanın (qurumun) saxlanılması xərclərinə yönəldiləcək.
Qanuna əsasən ilin sonuna işsizlikdən sığorta fondunun istifadə olunmamış vəsaitləri növbəti ilin xərclərinin maliyyələşdirilməsinə yönəldilir.
Qanun 2019-cu il yanvarın 1-dən qüvvəyə minəcək.
